}{طريقة عمل الشاورما بالبيت احلى من المطعم بالصور}{

السلام عليكم ورحمة الله وبركاته


طريقة عمل الشاورما بالبيت احلى من المطعم

بامكانك تعمليها باللحم نفس الشي راح تعجبك..!!



المقادير :-




1- صدور دجاج الكميه الي تحتاجيها انتي اني هني حطيت سته

2- نص كاس زيت زيتون

3-نص كاس عصير ليمون واذا يزيد افضل بعد

4- بهار اسود او ابيض وفلفل احمر وملح

5- وادا تحبي حطي علبة روب زبادي

العجينه :-

3 كاسات طحين

كاس وربع ماء

ملعقه كبيره خميره فوريه

شوي ملح وملعقه كبيره سكر

بيضه

السلطه :-

خس مفروم

طماطم مقطع شرائح او مكعبات

مخلل خيار

صلصة

طحينة وشطه وماء مقادير انتي تحدديها على حسب الكمية

الطريقه :-



1- نحط الدجاج في حافظه نصب الزيت والليمون

والبهارات والملح والزبادي ان حبيتي

ونتركهم بالثلاجه يوم كامل افضل واحسن

2- بعد يوم من نقع الدجاج في الخلطه



3- ناخد صدور الدجاج على صاج او مقلى تيفال

ونقليه مع شريحة زبده حوالي ربع الزبده ونشويها مني

لين شوي تتحمر مو شرط تنضج بالكامل لا شوي فقط تحمير

4- نقطع الدجاج شرايح مستطيله بعد التحمير الخفيف




1- نخلط الطحين والملح والخميره والسكر والماء

2- نتركها ساعه كامله ونص مني لين تخمر العجين

3- المقدار رح يكفي 15 خبز قسميها بتسوي 15

رح يكون رقيق لا تخافي يخترب عادي لمن تخبزيها



4- بنحتاج صاج تيفال او اذا ما عندج مو مشكله في مقلى تيفال

مو مخدوش او شي حتى ما يحرق الخبز

5- نفرد العجينه اللي قطعناها وكورناها وفردناها بالنشابه >> مادري شنـوـو

مو مهم يكون دائري تمام اللي يصير

6- نخبزه ونلاحظ بين كل خبز لزوم ننظف الصاج

حتى ما يحرق الخبز ويصير اسود ومر طعمه

7- بعد ما خبزناهم





8- ناخذ الحين الحشو ونحط الخس والصلصة والمخلل ونلفها عادي



9- الشكل الاخير لها





مره سهله جربوها ماراح تخسرون شي بلا مطاعم بلا هم

وصحتين وعاافية على قلوبكم

منقول

رااااااااائعه

يعطيك العاافيه

مرحباااااااااااااااااااااااااااااا

تسلمين على الاكله الرائعه

ويعطيك العافيه

يمي يمي شهتيني عالشاورماااا

ان شاء الله رااح اسوويها قرييييييييب انا وعدت اهلي اطبخهم وجبه وللحين ماحددت وش

اسوي لهم بس شكلي بسووويلهم شاورما حسيت انها مررررره سهله ادعوولي انها تضبط

وتسلمين ياقلبي لاهنتي