ما يفضح اللي حب إلا آخر اللحظات ...
لا مد كفه بالوداع وصد بعيونه ...
معاه رابات الأسى وجيش من العبرات ...
وبين الحنايا صهيل خيول محزونه ...
سلام ياللي ناوي الفرقا عدد ما فات ...
وتعداد مامرّ السحاب وهلت مزونه ...
سلام من قلب سكنته أنت والحسرات ...
غلاي تكفى يامودع ناظري صــونه ...
ارحل وأنا برحل ومعي هم وتعب وسكات ...
وأسرار مابين الروح مدفـــــونـــــه ..!!
ارحل مادام الله كتب لك يالحبيب شتات ...
مالي على حــكــم القدر راي ولا مــونـــه ...
مالي بعدك إلا الصبر وجاذب الونات ...
عسى الهوى يشتعل بك وتردك ظنونـــه ...
وبحــاول أنسى لو يصيح الشوق هيهات ...
وبحــاول أسلى لو يصيح القلب ما أخونـــه ...
منقـــــــــــــــــــــــــــــــــــــــــــولــــــــ
موضوع: ما يفضح اللي حب إلا آخر اللحظات 
الخميس يوليو 03, 2008 11:27 pm
