نافق تعـيـش وجامـل الناس تـنحـب .. بيع الضمير تشـوف كلٍّ يجيلكـ
هذا هـو الدستور في وقـتنا الصعب .. أما تـزيـل الصـدق ولاّ يـزيـلكـ
صار الصدق منبوذ في عالم الكذب .. وصار الكذب محمود يالله دخيلكـ
>>>>>>>>>>>>>>>>>>>>>
يا بحر بسألك ليش امواجك الليله تعاني !!
انت مثلي يا بحر قبل امس فاقد لك حبيـه ؟
إنت متضايق عشانك .. وإلا متضايق عشاني
اسالك بالله يا بحر ... ويش المصيبــه ؟
إلا اقول ! : اسكت وانا بحكي عن اللي لك خذاني
ببتدي معك الكلام... وكل ما عندي بجيبـه
تذكر اللي لا لفتني بشر القلب المحاني
تذكر اللي كلها حب وغرام ونهر طيــبه
تذكر اللي صوتها تشتاق له حتى المواني
كل مينا يسأل الثاني .. اذا طول مغيبه
,,,,,,,,,,,,,,,,,,,,,,,,,,,,,,,,,,,,,,,
ياليل ماذكر في حياتي تمنيت
... مثل ابتسامه تنتشل قلب منصاب
مليت ورب البيت ياليل مليت
... من الجروح اللي تجيني بلا اسباب
تدري ياليل اني على الجرح غنيت
... غنيت دمعه والصدى ضم الاهداب
تبي الحقيقة والصراحة ترجيت
... فرحة ولكن الزمن بالعطا خاب
ياليل قلي بدنيتي ويش سويت
... حتى الهموم بداخلي تفتح ابواب
ان كان طيبي عيب ومشكلتي وفيت
... اموت صادق وارفض اعيش كذاب
طبعي كذا من ميزتي ماتخليت
... عندي مبادئ دونها ترخص ارقاب
بيني وبينك ياكثر ماتعنيت
... اركض بغرفة مغلقة مالها باب
غرفة وراها فرحتي دونها جيت
... اركانها عتمة ولاحولي احباب
كاس الفراق المر منة تقهويت
... انا اشهد ان الشوق بالليل غلاب
ياليل انا لاشفت ماعفت قفيت
... اقفي ولو خلفي كثيرين الاصحاب
الا جروحي كل مارحت واقفيت
... جتني تحمل صدتي لوم وعتاب
ماذكر ولو مرة بحياتي تهنيت
... اضحك كذا والصدق عن شفتي غاب
صارت دموعي ضيف وعيوني البيت
... ودايم تشوف من المناديل ترحاب
لاشفت شمس الصبح لايديك حنيت
... وفي داخلك حبر القلم بالشقى ذاب
اسريك بحالتي واذا رحت ونيت
... مابي تروح ودمعتي بين الاهداب
ودمتم
موضوع: اشعار مختاره اتمنى انها تعجبكم 
الجمعة مايو 23, 2008 6:46 am
