؛×؛][صديقي الرجل][؛×؛سعد علـ ـ ـ ـوش..

بسم الله الرحمن الرحيم..

أول موضوع لي بينكم أتمنى يعجبكم...



إلى ذائقتكم..



صديقي الرجل والدنيا لها دوره

تجمع الناس وفالغالب تفرقها

والناس باخبار سو الناس مسعوره

وفالطيب بكما ذكر واذانها صقها

وحنا فضاءاتنا ضحلة ومحصوره

نبي نطلع من السطحية أعمقها

أفضالنا ودنا إنها دوم مذكوره

وعيوبنا مانحب احد يتطرقها

كأننا رعاع منهية ومأموره

نحفظ شعارات لكن ما نطبقها

جهال في عالم الإنسان وشعوره

نستحقر اللي شنباته يحلقها

نقلد آبائنا بالصوت والصورة

وحتى خرافاتهم لازم نصدقها

نحب نحزن ولو الأوضاع مسروره

نعمل من الحزن قبة لجل نغرقها

يا مجتمعاتنا هشة ومغموره

يا إن لنا اعماق مانعرف حقايقها

صديقي الرجل لافورة ولا ثوره

الأحلام ما كلها نقدر نحققها

فالعاصفة اذكر البستان وزهوره

وان ما عطاك الزمن بسماتك؟ اسرقها

وان انشدوا كيف حالك قول مستوره

لو إن الأوضاع يوميا تشققها

النفس اذا ماهي بشرهة ومغروره

يطقها الشح وتروح انت تلحقها

صديقي الرجل وأطراف النسا عوره

فما بالك بجرحها والا مزارقها

اختارها خيرة المبلي لدكتوره

واتعب عروق أهلها التي تلاحقها

وركز على دينها والعقل حضوره

وشفها وحاول تعرف اللي ترافقها

الزين غسل اليدين ولذته فوره

عليك باخلاقها اللي ما تخلقها

وان سهل الله وزان الحلم بأموره

الغاربة فالتعامل لا تشرقها

كن مبتسم مقتنع بالله ومقدوره

وشوف احلى مافيها من اشياء واعشقها

اشفقلها شفقة الشاعر لجمهوره

تحفظ حروفها من قبل تنطقها

وان ضايقك شي خل عناد وجوره

اهمس في اذنها عتب وانت معانقها

العمر قصير والأيام معمورة

ماتستحق انك تضيق وتضايقها

وان شفت ما يظهر الرجال من طوره

لاتكسر فنفسها ولا تعلقها

سامحها واقطع طريق الشر وشروره

او ردها لبيت شايبها وطلقها

ما يضمحل الرجل فعيون غندوره

الا لعدد خطاياها وخانقها

وما يستزيد الرجل في عيون غندوره

الا لا طوف خطاياها وصادقها


وسلامتكـ ـ ـم وسلامه سعـ ــ ـد..

تحياتي..

تسلمين ياحياااتي ... ننتظر جديدك

هلا أحلى ورده يسلم نبضك ..

لاعدمنا حضورك..

دمت بحب..

هلا بك جروح..

لا شكر ع واجب نورتي صفحتي يالغلا...

لاعدمنا حضورك..

دمت بحب..

هلا بك همس الحياه..

لا شكر ع واجب شاكره مرورك العذب إختي..

دمت بخير..