سواها قلبي..........

سلام

انا اليوم جيتلكم روايه روعه..

انا قريتها و حسيت فيها .. وحبيت انكم تقروها وتحسون فيها معايا..
إنشاله تعجبكم...




اول شي تعريف بشخصيات القصه :



1* ابو عبدالله : الجد سلطان .. رجل اعمال كبير بالسنيتين الاخيره سلم كافة اعماله لعياله وهو ارتاااح ..
2* ام عبدالله : الجده ساره .. زوجة سلطان ..
**
**

عايللات الابناء :

1** عبدالله **1

1- عبدالله : ابوسلطان : الابن الاكبر لسلطان .. ماسك رئاسة المجموعه وهو المدير العام لها بعد ابووه ..الكل يحترمه ويقدره ويسمع كلامه بعد ابووه انسان واعي وحكيييم ..
2- ناديه : ام سلطان .. مديرة مدرسه ثانويه .. انسانه كبيره بعقلها وقلبها شايله ابو وام زوجها على كفوف الراحه انسانه طيييبببه جدااا وخلوقه ومهتمه ببيتها وزوجها ..

** اولادهم **

1- سلطان : 25 سنه يساعد أبوه بشغله ..
2- ساره : 22 سنه متخرجه محاسبه من الجامعه ..
3- مدى + ندى :20 سنه .. تؤم متشابهين كثييير بالشكل والاطباع محد يقدر يفرق بينهم الا اللي يعرفهم .. ثاني سنه ادارة اعمال بالجامعه ..
4- سعود : 17 سنه .. 2/ ث/ أدبي ..
5- سلمان : 14 سنه .. ثاني متوسط ..

**
**

**
**

2** عبدالرحمن **2

1- عبدالرحمن : ابو طلال : الابن الثاني لسلطان .. ويساعد اخوه بادارة الشركه ..
2- نوال : ام طلال .. انسانه متسلطه وحقووده وهمها الوحيد اهتمامها بنفسها وصدقااااتها وطلعاتها اخر اهتمامتها بيتها وزوجها وعيالها تكرره اهل زوجهااا بدون سبب ..

** اولادهم **

1- طلال : 24 سنه يساعد أبوه بالشغل ..
2- الجازي : 22 سنه متخرجه محاسبه ..
3- فهد : 20 سنه ثاني سنه ادارة اعمال بالجامعه ..
4- فيصل : 17 سنه ثاني ثانوي علمي .. انساااان همه الوحيد دراسته وتحقيق طموحه يكون دكتور قلب وجراحه كبير .. لاكنه منزوووي ومعتكف على نفسه وقليل صدقاته بل نادرره وقليل مايطلع من البيتت ..
5- فواز : 14 سنه .. ثاني متوسط ..

**
**

**
**

3* عبدالرؤف **3

1- عبدالرؤف : ابو رائد : الابن الثالث لسلطان .. يساعد اخوانه بالشركه ..
2- الجوهره : ام رائد .. دكتورة بالجامعه ..

** اولادهم **

1- رائد : 22 سنه متخرج من بريطانيا هاذي السنه ادارة اعمال .. قريب جدا من صديق عمره واخو دنيته فارس ولد عمه جداااا .. يعد اوسم شباب العايللله واكثرهم جاذبيه وجسمه ريااضي ..
2- ملاك : 19 سنه اول سنه ادب انجليزي .. رومنسيه وحساسه وقلبها كبييييييييييييييير ..
3- روان : 16 سنه اولى ثانوي .. انسانه لساانها طويل ومتبري منننها وماتسكت عن حقها ابدااااا لو مهما كان اللي قداامممها .. بس برغم كذاا قلبها طيب وكبييير ..
4- محمد : 9 سنين .. ثالث ابتدائي .. اخر العنقود ودلووووع العايله ..

**
**

**
**

4* عبدالاله *4

1- عبدالاله : ابوفارس : الابن الرابع لسلطان .. انسان عصاممي .. بناء نفسه بنفسه من كان عمره 18 سنه معاه دكتوراه بادارة الاعمال من بريطانيا .. يعد الاغنى بين اخوانه واعماله خاصه فيه .. انسان قلبه كبير ومعطئ يحب الخير وعمل الخير حكيييم وعاقل وعقله كبيييير وذكي ..
2- جوري : ام فارس : دكتورة قلب وجراحه .. من عائله لها صيتها وسمعتها ومكانتها بالخليج .. عائلتها تفووق غنى عائلة ابوفارس .. انسانه فاهمه وواعيه ومتفهمه تحب تاخذ كل شي برويه ومشاوره ونقاااش ..

** اولادهم **

1- فارس : 22 سنه .. متخرج من بريطانيا ادارة اعمال هاذي السنه .. وسيم وجسمه رياضي ومحافظ علييه قلبه كبير وحبوب جدااا ..
2- هزاع : 20 سنه .. 2 سنه ادارة اعمال .. هو وفهد ولد عمه واخوه مثل التؤؤم مايفترقون نفس الاطبباع والشخصياااات .. لعابييييييين جدااا ومتهورين وماغمريييين واللي براسهم بيسونه بيسووونه ..
3- جنى : 19 سنه اول سنه ادارة اعمال .. جميلله جداا اجمل بنات اعمامها جذاابه باسلوبها وجمالها واخلاقهاااا ذكيه وحكيممه وتعرف تاخذ اللي تبيه مهما صار ومدلله ودلوعه وطلاباتها اوامر عند الكل ..
4- ربى : 16 سنه .. اولى ثانوي .. هادييييييييه جدااااا ومسالمه عكس روان برغم صداقتهم القويييييه بعض ..
5- شذى : 13 سنه اولى متوسط .. ملقووفه جدااا وتموت ولا ترفع ضغط خواتها .. وتحب تتدخل بالمواضيع اللي ماتعنيههها ..
6- همام : 9 سنين ثالث ابتدائي .. دايما خلافات هو وشذذى وهوشاااات .. عشقه الكووره والبلاي ستيشن ..

**
**

**
**

** عبدالعزيز **5

1- عبدالعزيز : ابوتركي : اصغر عيال سلطان .. متزوج عن قصة حب وعايش فيها الى الان ..
2- عبير : ام تركي .. دكتورة نساء وولاده .. اخت ام فارررس الصغيررره ..

** اولادهم **

1- تركي : 8 سنين ثاني ابتدائي .. يشكل هو ومحمد وهمام عصاببببه خطيرره تشيب بالراس ..
2- وسن : 5 سنين .. دلوووعه ومايعععه ودلوولة ابوها وامها ..
3- ثامر : سنتين .. شخص ينوكلل من حلالالاته وبرائتتته حبوب ويجذب مؤؤدب ومطيع عكس اخوانه ودايما ضحيتهم الاثنين دايما ينضرب منهم .. اذا جنى فيه ياويل اللي يقرب منه تموووووووت فيهه وطلاباته عندها اوااامر .. ))))


**
**


هاذي الشخصيات وان شالله تعجبكم

بعد العشاء الساعه 12 ونص تقريبا راح اغلللب المعازيم معدا عايلة ابوفارس للحين فيه ..

ابوفارس بصوت واطي : اقوول يبه وش رايكم تجون معاي للمزرعه ؟؟!!..
ابوعبدالله ( الجد ) ببتسامه : زييين ياولدي بس اشاور اخوانك ونشوووف ..
ابوفارس : خلاص شاورهم الحين ..
ابوعبدالله : اقووول ياعيــــــــال وش رايكم نروووح للمزرعه ..
ابوسلطان : والله والشورر الزين ..
فارس وهو يعدل جلسته : ايه والله اني مشتاااااااق لها حيـــــــــــل ..
هزاع : الحين لوتشوفها ماتعرفها ..
ابوطلال : الا هي اصلالا خلصت ؟؟!!..
ابوفارس : ايه خلصت من شهر لنا سنتين نعدل فيها والحمدلله خلصت ..
طلال : خلالاص اجل متى تبون ترحون لها ترانا حيـــــــــــــل متحمسين لها ..
الجد : انا اقول الاربعاء تكونون خلصتوا شغللل ..
ابوفارس : زين الاربعاء لان رحلتنا الثلاثاء اللي بعده ..
الجد : على ويـــــن ..
هالحديث جذب فارس وهزاع اللي ينتظرون الاجابه لاكن فاجاءهم ابووهم وتكلم باذن ابووه اللي قريب منه حسوا بخيبة امل ..
الجد وهو يضحك : خلالاص زييين تروحون وتردون بالسلامه ..
ابوسلطان : وين البنات ماشفناهم اليوم ؟؟!!..
الجد : ايه والله انك صادق نادهم ياهزاع يجون هم وجدتك ..
هزاع وهو يوقف وباذن فهد : مو قادر يخبي شوووقه ..
فهد وهو يضحك : هههه خلههههم نادر تلقى مثل هالحب بهالوقت ..
هزاع طلع ووصل لغرفة الاكل طبعا هي الفاصل بين الرجال والحريم وشاف شذى وبصوت واطي اقرب للهمس : شذىى شذى ..
شذى سمعت احد يناديها التفت واستغربت : نعمممم ..
هزاع ياشر لها : تعالي ..
قربت منه ونبرة صوتها نفس نبرة صوته : وش عندك ؟؟!!..
هزاع : روحي قولي لجدتي والبنات يجوون علشان يسلمون على جدي واعماي ونسلم على جدتي ..
شذى : طيب خلاص روح لاحد يشوفك ..
رجع للمجلس وكلها دقايق والجده تدخل ومعاها البنات الي متغطين كلهم معدا شذى مو لابسه عباة اصلالا .. : السلام عليكم ..
الكل وهم يوقفون احتراما لامهم معدى الجد ماوقف : وعليكم السلام ..
راح فارس اول واحد وحب راس جدته ووراه رائد والبقيه جلست بجنب زوجها ..
اما البنات سلموا على اعمامهم وجدهم وجلسوا بجنب بعض قبالهم ..
الجد : وش اخبار بناتي ان شالله بخير الحين ..
ساره : الحمدلله ياجدي نحمده ونشكره على فضله ..
االجد : وهو مستغرب ماسمع صوووت : اقووول جنى موجوده هي وروان .؟؟!!..
روان وجنى ابتسمووا فهموا قصد جدهم جنى: موجودين تامر بشي ..
الجد : لا بس سلامتك ماسمعت لكم حس مو بالعاده يعني ..
جنى وهي تكتم ضحكتها : لا بس خلاص عقلنا ..
الجد ابتسم : الله ييدم العقل مع ان مناقركم يحلي الجلسه ..
روان : الحمدلله في احد اعترف بقدراتنا بامتاعكم ..
جنى خبطتها وبصوت واطي : في احد يقول هالكلام ..
روان باستغراب : ليش ؟؟!!..
جنى بصوت اشبه بالهمس : يالخبللله ضحكتي عليـــنـــــا فهد وهزاع عاد هم يبونها من الله ..
روان سكتت متضايقه من نفسها كيف عطت عدوها اللدود فهد وبغيض : اوووف خلالاص ماعيدها ..
ساره بصوت واطي يسمعونها البنات : خلونا نقوووم ..
البنات هزوا روسهم بالموافقه ..
توها بتوقف لاكن قاطعها صوت ابورائد : الا ياجنى انقبلتي بالجامعه ؟؟!!..
جنى ببتسامه : الحمدلله انقبلت ..
ابوطلال : وعساه القسم اللي تبينه ؟؟!!..
جنى : الحمدلله ..
فهد بلقافه يبي يحارشها مشتاااق لماقرها : وش هالقسم ؟؟!!..
جنى بعدم مبلاة : ادارة اعمال ..
فهد بنبرة سخريه واسنخفاف استفزت جنى : احلى يعني كملتي مسيرة العايله ؟؟!!..
جنى بنظرات تحدي : ليه مو قدها ؟؟؟!!
طلال بتاكيد : قدها وقدود يابنت العم خلك منه بس ..
ابوفارس : اكيد هاذي جنى بنت عبدالاله اذا هي موقدها من قدها ..
جنى : فديت انا بااااابااااا اللي يعرف قيمتي مو مثل بعض الناااس .. وطالعت فهد بطرف يعنها باستحقاار ..
ساره وهي تبي تنهي النقاش عارف دايما توصل بين فهد وجنى للهواش : يالله عن اذنكم ..
الجد : اذنكم معكم روحوا ربي يحفظكم .. وقبل لايطلعون .. تذكر الجد ووقفهم : اقووول يابنااات جهزوا انفسكم ترانا بنروح مزرعة عمكم عبدالاله الاربعاء الجاي ..
البنات انبسطوا وطلعوا وهو يخططون وش بيصير ووش بيسووون ..
هزاع باذن فهد بعد ماطلعت جنى : مو كانك تزودها معها ؟؟!!..
فهد بنبرة هيااام : احببببببببها ويحققق لي واحب مناقهررهااااا ..
رائد الي سمعه طالعه بنظراات استغررراب : هيي انت وط صوتك لحد يسمعك ؟؟!!..
فهد بتحدي طالع عمه ابوفارس وبغمزه : ياعممممي انا احب بنتك جنى وابي اتزوجها عندك مانع ..
ابوفارس ببتسامه : ابداااا ولو تبيها اليوم قبل بكره قم خذها بثيابها اللي عليها ..
رائد انصدمم اما الباقين ولا كن الموضوع هامهم ..
فارس ضحك بصوت عالي مع بقية الشباب وابتسمات البقيه .. : هي يابووو الشباب وش فيككك ناسييي هو اخونا من الرضاااااعه ؟؟!!..
رائد خبط راسه وببتسامة سخريه على عمره :يوووووووه نسييييييت ؟؟؟!!!..


#

#

#

#

#

#

#

انتهى الــــــبـــــــــــــــارت الاول : ( 1 )


**************



البـــــــــــــارت الثاني : (( 2 )) :

**
**


(( وحشتني سواليفك ..
وحشت شوفتك اكثـــــررر ..
كل ليله مع طيفك ..
حبيب الروح انا اتحسر اتحســـرررر .. ))


**
**

**
**

بغرفتها الكمبيوتر مفتووووح وهي جالسه قدامه على الكرسي وسرحااااانه بعالم الصور اللي قدامهاااا ..
ومع كل صورى ذكررررى ..
لحد ماوصلت لاخر صوره صورته وهو مسافر مع اخوها قبل سنه ونص ببريطانيا اخذتها من غير علم اخوها هاذي اخر صوره له عندهاااا كانت تحس بشووووق وبلهففه له كانت تبي باي طريقه تشوفه قبل كم يوم بالعزيمه لاكنه ماكن معطيها اي اهتمام ولاحاس بوجودها ولاقدرت تركز بملامحه اللي تغيرت كثيير عن هالصووره ..
تنهدت وهي تقفل الفايل الخاص بصوره وتقفل الكمبيوتر وتوجهت للسريرها وهي ترمي ثقل جسمها كله عليه وتفكيرها مازال يبحر بنفس الدوامه دوامته هو اللي سرق افكاررها من كانت صغيرره سرق افكارها من حوالي ست او سبع سنين هي نفسها ماتتذكر متى بدى يملك مشاعرها ويستحل قلبها ويدخل افكارررها ..
قطع تفكيرها رنين جوالها شافت الاسم وابتسمت : كيف اقدر اشيلك من بالي وكل شي حولي يذكرني فيك باصرارررر ..

ردت وبصوت ناعم هايمممم : هلا والله ..
وصلها صوت الطرف الثاني حمااااسي : هلا وغلالالالا بكل الغلالالا اخبارك ياقلبي ؟؟!!..
ملاك وهي تقلب جسمها للجنب وتتنهد : بخير انتي اخبارك حبيبتي ؟؟!!..
جنى : عال العال اقوول حبيت اقولك ان حنا متفقين بروحتنا للمزرعه نرجع الايام الخوالي ها عاد لااوصيك ؟؟!!..
ملاك وهي تجلس على حيلها وبدى كل تفكيرها عن معذبها يتلاشى وبحماس : ايه والله مشتاقيــــــــــن لذيك الايام حيـــــل ياهي أيام تجنن تجنن ..
جنى : هههه اوكي اجل جهزي حالك واللي عليك راح يوصلك بمسج من ساره لانها الراس المدبر كالعاده .. واكيد ربى خبرت روان ونفس الشي بيوصلها بمسج اوكي ؟؟!!..
ملاك : اووووكي ..
جنى : يالله سيوو ..
ملاك : بيباي ..
قفلت منها وهي تقوم بتروح تشوف اختها وصلها شي والا لا ..
دخلت غرفتها لقتها فاضيه نزلت للصاله تحت لقتها جالسه ومتكتفه وزعلالالانه وبالجهه الثانيه رائد معطيها ظهره ويطالع فيلم بالتلفزيون ومتكي على الكنب والريموت بيده ..
ملاك : السلام ..
رائد رفع عينه طالعها ثم رجع للتلفزيون : وعليكم السلام ..
ملاك وهي تطالع حالة روان : وش فيك ؟؟!!..
روان : يعني ماتدرين مابلغوك البنات ؟؟!!..
ملاك باستغراب : عن ؟؟!!..
روان : عن تجهيزاتنا لطلعة المرزعه ؟؟!!..
ملاك وهي تجلس على اقرب كنبه : ايه قالوا لي بس وش مزعلك انتي ؟؟!!..
روان تاشر على رائد بنرفزه : اقوله السواق مع امي ودني للسبور ماركت اجيب الاغراض اللي قالوا لي عليها يقووول مو فاضي ..
ملاك وهي تطالع رائد وبتساؤل : وش عندك رائد ماتوديها ؟؟!!..
رائد بملل وعينه على التلفزيون : مالي خلق دوروا غيري ..
بهاللحظات وصل مسج لملاك فتحته لقته من ساره وكاتبه لها كذا شي مو عندها بعد تجيبهم من السوبر ماركت ..
ملاك بنظرات ترجي لرائد :بليززززززززز رائدددددد بتودينا ؟؟!!..
رائد بطفش : ياربيييييييه خلاص اقلقتوني ربع ساعه على بال مايخلص الفيلم ان مالقيتكم مخلصين بروح واتركم ؟؟!!..
ملاك وران وهم موقفين : لا بنجهز قبلها بعد ..
طلعوا ركض يلبسون وهو هز راسه مبتسم عليهم : ماصدقوووا بس يالله باوديهم وش وراي منها اسلي عمري شوووي بدل هالطفش اللي صايبني اليوووم ..

**
**

**
**

**
**

وصلوا اخيرررا لسبور ماركت وهالسبور ماركت كان تابع لسوق ..
رائد : يالله بسرعه لاتاخرون ؟؟!!..
ملاك : من عيوني نص ساعه بس ..
رائد : بروح الف شوي اشوف كم غرض اخذهم للشباب علشان المزرعه وارجع القاكم خلصتوا ..
روان : اعتمد ..
راح وهوو يلف على السوبر ماركت وبقدامه عربيته يدفهااا وبدى يختار من الرفوف اشياء يتسلون فيها الشباب مو مثل اخر مره انذلووا للبنات يعطونهم شي لاكنهم رفضوووووا ..
بالجهه الثانيه كان في ثلاث بنااات معطينه ظهورهم ومعاهم خدماتين حبشيات وسواق حبشي بعد يدف العربيه وهم تايهين بالرفوف يختارون ..
طالعهم لاكن ماعطاهم اي اهتمام وكمل وهو مندمج ثواني وتخبط فيه وحده منهم وهي معطيته ظهرها لاهي انتبهت ولا هو ..
لفتت مخترعه وطالعته وانصدمت اكثررر وبصوت اشبه للهمس : سورري ..
طالعها بعدم اهمتام : لا عادي ..
رجعت وهي تجر فشيلتها معها وصلت لخواتها .. اللي مو بعدين بس نفس الشي معطينه ظهورهم ..
ربى : وش فيك ؟؟!!..
جنى : خبطت برائد ولد عمي وانا مدرري واشوى ماعرفين ؟؟!!..
شذى اللي لابسه عبايه بس الطرحه على كتوفها وبعدم مبلاة : بسيطه بيعرفكم مني ناسيه اني ماتغطى وهو قبل كم يوم ببيتنا شافني ..
جنى : تغطي اجل مالي خلق فشايلللل ..
شذى بغرور : محد قالك ماتنتبهين بطريقك ..
جنى بنظرات حقد : ياربيييييييييه منك يالله خلصوا ..
شذى بعناد راحت تتمشى قريب منه وهي تطالع جنى بنظرات تقهرها ..
وجنى تتوعد فيها بينها وبين نفسها ..
رائد انتبه لشذى وابتسم لها هاذي شذى بنت عمي وقرب منها : اهلين شذى اخبارك ؟؟!!..
شذى وهي تسوي نفسها توها تتنبه له وببتسامه : هلا رائد .. الحمدلله انت وش اخبارك ؟؟!!..
انتبه للبنتين اللي واقفين ويطالعونهم وعرف البنت اللي خبطت فيه من عباتها ولثمتها وعيونها المميزه ولونها الي لايمكن تمر على اي واحد مثل رائد بدقة ملاحظته مرور الكرام ..
رائد : هذول ربى وجنى ؟؟!!..
شذى بخبث : ايه واشرت عليهم جنى وربى ..
ابتسم عرف انها جنى وقرب منهم وهو يدف عربيته وخدمهم منتشرين يجبون الاشياء اللي يبونها ..
وببتسامته الساحره : اخباركم ياربى وجنى ؟؟!!..
جنى وهي مو مهتمه للي صار قبل شوي لانها اقتنعت انه عادي يصير معه او مع غيرره ردت ببتسامه ولاكنه صار شي بس طبعا مراح تعديها لشذى : الحمدلله بخير .. انت وش اخبارك واخبار عمي وخالتي ؟؟!!..
رائد : بخير ..
ربى : اكيد روان وملاك هنا ؟؟!!..
رائد ابتسم : ايه تركتهم بالسيب اللي قبل هذا ..
ربى : اجل بنروح لهم ..
جنى وهي تطلعها وتمسكها مع يدها وبجديه : انتظري نخلص من هالقسم ثم نروح لهم ..
بهاللحظه وصل حسين سواقهم : عمتي هذا هو اللي تبونه ؟؟!!..
جنى وهي تطالعه : ايه هو يالله حطه بالعربه خلونا نخلللص لانتاخر ورانا مشاوير ثانيه ..
رائد طالع عربيتهم كيف ماخذين من كل شي فيها كرتووون نادرا ما تكون حبه وحده ابتسم : يالله عن أذنكم ..
البنات : اذنك معاك ..
راح بطريقه وجنى مسكت ذراع شذى وبنرفزه وصوت واطي لحد يسمعها وهي شاده على اسنانها : انا اوريك حاسبي عن عمرككك .. ولفت على حصه : جيبي عربه لشذى علشان تحط فيها اغراضها ويالله تعالي مريم انتي وحسين خلونا نكمل ..
اما شذى تندمت لانها مكثره الاغراض مدام جنى بتدفع لاكن الحين بتتورط .. وماجابت فلوسها واصلا مخلصه مصروفها ..
رجعت تمشي ورى جنى وبنظرات ترجي .. : خلالالاص وربي اخر مره .. جنى وهي تطالع الاشياء على الرفوف : نــــــــــــــــــــــو ويـــــــــــــــــه ..
مانفعت محاولات شذى الكثيره مع جنى راحت لربى تتسطعطفها : ربى قولي لها خلاص اخر مره ..
ربى اللي عرفت روان من صوتها : مالي دخل فيكم .. وراحت لروان ومن خبالتهم الثنتين ضموا بعض قدام العالم ..
ملاك وهي تتلفت تشوف احد انتبه او لا وبفشيله واحراج : الله يفشلكمممم وش هذااا ؟؟!!..
روان بعدم مبلاة : محد له دخل فينا ؟؟!!..
اما رائد اللي شافهم من بعيد ضحك اخته استحاله تعقل بس المستغربه تاثيرها على ربى الهاديههه ..
وجنى هزت راسها بياس من انهم يعقلون وخصوصا روان ..
قربت منهم وصافحتهم لان المكان مو مكان سلالام ونفس الشي شذى ..
ملاك وهي تطالع العربه : وش هذاااا مشالله كل هذا للمزرعه ؟؟!!..
جنى : اكيد مايغلى عليككممم ..
مرت ربع ساعه والبنات مع بعض يشترووون بعدين اتصل رائد على ملاك ..
ملاك : هلالا والله ..
رائد : هلا فيك اقول ملووك يالله انتظركم عند الكاشير اي تاخير انتم بتدفعون ..
ملاك بترجي : لا لالا خلالالاص ثواني على بال مانوصل
رائد : اوكي انتظركم مو اكثر من دقيقتين ؟؟!!..
ملاك : اووكي مع السلامه ..
رائد : مع السلامه ..
قفلت منه وطالعت روان : يالله رائد يقول ان تاخرتوا بروح واتركم تحاسبون ..
شذى بنغزه : اجل مو جنى بس اللي تهدد ؟؟!!..
جنى طالعتها بنظرات استحقار من فوق لتحت ومشت وطنشتها .. طالعت ساعتها : وانتم بعد ان ماجيتوا بروح واتركم دوروا من يوصلكم ومن يدفع لكم ..
بسرعه مشوا الاربعه ووراهم خدم بنات ابوفارس يدفون الاغراض ..
وصلوا لقوا رائد واقف ينتظرهم بعربته ..
راحوا له خواته اما جنى واللي معاها راحوا للكاشير خواتها راحوا للسياره مع حصه ومريم وهي وقفت تحاسب مع حسين اللي يدف الاغراض ويشيلها ..
رائد وقف وراها ونفس الشي عطى خواته المفتاح يركبون بعد ماجمع الاغراض بعربه وحده ..
واقف ينتظر وبنفس الوقت يتامل حركات جنى اللي منزله عيونها للارض وتلعب بتعليقااات جوالها مو لشي بس لان الكاشير يراقب عيونها ومالها خلق مشاكل معه لان لها حاجه عنده تبي تخلص وتطلع ..
رائد طالعه بنظرات ناريييه ثم حاكى جنى علشان يبين له انها معه : الا وين فارس من الصبح ادق عليه مالقيته ؟؟!!..
جنى لفت ووتلاقت عيونهم للحظات بعد عينه كل واحد لجهه ثانيه : راح يوصل خالي وعايلته للمطار بيسافرون اليوم ..
رائد : اها خلاص سلميلي عليه لاشفتيه ..
جنى وهي تلف للجهه الثانيه وتهز راسها : يوصل ان شالله ..
ثم طالع الكاشير اللي بسرعه نزل عيونه يتابع عمله لان نظرات رائد خوفتتته ..
وقف رائد وهو ماعرف ليش سوى كذا يمكن بدافع غيرته كاولد عم ماخلى تفكيره يستمر اكثر من ثوانني انهاه بسرعه ..
وصلها الدور وحاسبت ببطاقتها وطلعتتت وحسين وراها يشيل الاغراض ونفس الشي رائد ومن الصدف سيارة جنى جنب سيارة رائد اللي ماعرفها لاهو ولاخواته ..
ملاك وهي تفتح الشباك وهي راكبه بجنب رائد اللي يركب الاغراض ورى وحسين فاتح الباب لجنى تركب : مبررروك على السياره ..!!
جنى وهي تتبسم وبان من عيونها : الله يبارك فيككك .. وتطالع خواتها بجوى السياره وتغمز لهم ..ماسرع ماوصلكك الخبر ؟؟!!..
روان باندفاع : من يعني خواتك يالله عقبال ربى وشذى ياربب ..
جنى بغرور وهي تركب وحسين انتبه وراح قفل الباب وهي فاتحه الشباك : مو كل العالم يتجيب اللي جابته جنى ياماما ؟؟!!..
شذى بغرور : اكيد نجيب احسن منه ..
جنى ابتسمت ببرود وطلعت من بوكها فاتوره : امسكي هاذي فاتورتك ترى اللي دفعته لك ديننن وان ماتسدد اليوم اول مانرجع .. اغراضك مراح تاخذينها وعارفه وش الباقي ..
شذى بضيق : طيبببب ..
ركب كل واحد سيارته وانطلق كل واحد بطريقه ..
التقوا عند الاشاره القريبه ..
رائد وهو يتامل سيارتها اللي قدامه : والله سيارتها خطيرررره واخر موديلل بعد ..
ملاك : ايه هاذي الناس اللي تقدر سياره خاصه فيها هدية نجاحها من جدهااا ..
رائد : احلى والله حنا تخرجنا واكبر هديه ساعه الماس ..
روان : هههه يا بابا هاذي جنى اللي من تقول الكل ينفذ طلبها من جدها لثمور ولد عمي عبدالعزيز كل خوالها واهل امها مايرفضون لها طلب هذا غيرر ابوها وامها واخوانها مو مقصرين ..
رائد رفع حاجبه باستغراب وطالع اخته بالمرايه : ليش ان شالله وش فرقها عن خواتها ؟؟!!..
ملاك : اول فرحتهم واكبر حفيداتهم ..
رائد مافهم : كيفف ؟؟!!.. وحرك السياره لان الاشاره فتحت ..
ملاك : هي اكبر البناااات والبقيه شباب فهمت هي وعريب بنت خالها ماخذين الغلا كله وهي اكثرر لانها عارفه تكسب قلوبهم وعقولهم لصالحها ..
رائد وبدى يفهم هز راسه : اها قولي .. وسكت فتره لاكنه تذكر شي .. وهو يطالع الشارع .. الا تعالوا هنا انا ماحددت لكم السعر ليششش مكثرييين ها ؟؟؟!!..
روان بتلكع : ياخي وش نسوووي من زمان ماطلعنا معك باخل بهالكم ريال ؟؟!!..
رائد ابتسم : اوكي هالمره بامشيها بس مو كم ريال قصدك كم ميه ..
ابتسموا خواته وكملوا طريقهم ..[b][center][right]