إًُلسعوٍديآت..والفيس.بوٍك........!!

//
كان يآ مكآن ، في المآضي القـديم
نمشي في هالشوارع وشنوف بنت مطلعه وجهها ، ولا اي جزء من جسمها ، نطلع عيوننا كلنا
ونقول { علامات يوم القيآمه } يا ساتر وش ذا وهالخرآبيط
وقبل كم يوم ، فتحت ايميلي العزيز ، وتجيني هذيـك الرسآلـه
وافتحها ، صور سعوديات في { الفيس بوك } انا فيه واحد سجل بـ ايميلي
لآنه مسجل بـ خمسين ايميلي وكذا وفي العاده ما افتح هالرسآيل بس لما شفت العنوان { صور قروب سعوديات }
شـدني شوي ، قلت افتح الرسآله وآطآلع وش فيهاً
دخلت وفيه بروفايلات طبعا وكذا ، كل بروفآيل ادخله { آخـس من الثآني } بـ صرآحه
بنات سعوديات { عارضين جزء من جسدهم } وموب عارضين الوجه يقآل لهم يسترون على نفسهم ههههههه
شفت اللي حاطه " شفايفها " واللي حاطه " يدينها " ...إ إلـــخ
على فكره لو انها حاطه وجهها ، كانت بـ تكون محترمه اكثر من انها تعرض اشيآء ثآنيه بـ جسدها ..!!
وتجيك بعد ما تصور هالخرآبيط تقول لك { ابداع بالتصوير } اي ابداع يا شيخه بس
وبالاخير يجون لك مواقع الفضآيح يتسآبقون لـ اخذ هالصور ونشرها للآسف
يعني انا احب اقول لـ هالبنت اللي متصوره هالصور ، كل اللي هآمك يعني ان الناس ما يشوفون وجهك ، واي مكان ثاني عادي ؟؟
وودي افهم وش الهدف من هالشي ، يعني ونآسه ، ولا ان العآلم تمـدح فيك ، وما تدرين وش ورآك بالآخره ..!!
وبعد ما طلعت من هالموقع كلـه جآ في بآلي كتآب آسمـه { بنآت الريآض }
كان فيه قصص حقيقه ، هالكتآب ترجم الى 22 لغـه بس علشآن يعرفون اكثر عن البنت السعوديه وحيآتها الدآخليه
وكل اللي كان بالكتآب قصص مؤسـفه ، وللآسف ايضا انـها حقيقه
تدرون انهم برى يدرسون هالكتآب يعني اللي بالخآرج يدرسون هالكتآب كـ نص ادبي سعودي
يحكي عن قصه حيآه السعوديين ، وهو كلـه سلبيآت في سلبيآت
يعني مثلا حنا ندرس { روبنسون كروز في الجامعات } على اساس انه نص انجليزي يمثل الحيآه الدينيـه
والسياسه في هذآك الزمآن وهم يدرسون { بنآت الريآض } لـ تمثيل المجتمع السعوديْ
نعود لـ الرسآله : ليه العالم ما ترسل شي حلو ومفيد
يعني يا يرسل { ادعيه ، ويحـلفك ترسلها لـ عشرين الف واحد }
ولا { يرسل لك فـضيحه الشخص الفلاني صور فلانيه .. }
يعني يآ { مطوع ، ولا سربوت } ..!!



عندي لكم شويه قصص قصيره ايجآبيه : جمعتها من هالنت
بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!
==================
شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك..
تدرون لو باعوا السمك.. كم يبيجب لهم؟ تقريبا 4 الاف ريال ....
بس هم كانت نواياهم اهم من الفلوس..
اخذو السمك وودوه لمنطقه فيها ناس فقرا.. وتصدقوا به..
====================
برضو حمله تبرعات الراجحي..
ترى اكثر من تبرع فيها شباب..



يعني فيه نآس تشتغل في النت ولا برى النـت وتستفيد وتفكر صـح
نبغى جيل سعودي ، ينتشر عنه كل شي حلو ، ونكون قدوه
انا ما اقول لا تصورون ولا تفلونها الا سوو اللي تبون ، بس بـ ح ـدود
مو علشآنكم ورى الشآشه ومحد يقدر يجيبكم ، خلاص السآلفه تصير طبيعيه وعآدي { محد درى } ؟
ويآريت مثل هالصور تمسحونها ، وتبطلون تحطونها بـ النت ، ترا هالشي عموما يـ دل على شخصيتك
لما تحط في بروافايلك صوره { لـ اجزاء من جسمك } بـ يعطي انطبآع خاطئ للنآس عنك ، يالبنـت طبعاً
ويآ ريت اللي تجيهم هالصور ما يحاولون ينشرونها ، ويمسحونها اول بـ آول



* همسـه : ادري بـ فضل الله طبعا ان غالبيه المجتمع السعودي بعيده عن هالشغلآت
بس لآزم ننتبه لـ هالمواضيع اللي بـدت تـكثر ودامها الحين في { بداياتها } نحاول نقضي عليها
قبل ما بكرى تصير شي عادي ، ولا نقـدر وقتها غير ، نتفرج ويقولون حنا في { القرن الواحد والعشرين } يا حبيبي