زمن فيه الوفا يسأل ويلقى له ميت كذاب.؟!

على وجه السما صمتي سؤال ولملمت غياب

وعلى وجه الاراضي شمعتي ملت تطفيني

وما بين السماء والارض عشنا بالحياه اغراب

وما بين الحنايا اعيد يا روحي وحشتيني

لبست الليل بعيوني ستاير من سهر غلاب

على ظلمه امل واقف اصفصف في شرايني

وجيه الناس مسروقه من احداقي بدون اسباب

ووجهك هو جهاتي كل ما غافلته يجيني

انا وين اختفي عني ؟وبدل هالثياب ثياب.؟

وانتي بالعروق شروق عيا لا يصافيني

انا غربه وله تسكن مع غربة وطن وغياب

انا كل انكسار الكون ذابل بين جفنيني

زمن تافه بلا ذمه .. تعلا في عراه اذناب

وانا بين الحياه والموت راسي ما يدنيني

زمن فيه الوفا يسأل ويلقى له ميت كذاب.!

غريبه هالقبور الي تساومني على طيني

تعبت اسأل عن الخطوه ورجلي تلتفت للباب

تعبت آعزي المهموم وانا من يعزيني؟؟

تعبت احن لغيابي تعبت اكون سطر كتاب

احن ابقى بصفحاتي وتقرأني عناويني

يكفيني تعب يكفي مرار الذكريات احباب

ولا ليله تمر الا وطن روحي مخاويني

الا روح الوطن يالي غلاك يساوي الغياب

دخيل الله تعبت اقول يا روحي وحشتيني

أبيات خطيره صح لسانك ...

على وجه السما صمتي سؤال ولملمت غياب

وعلى وجه الاراضي شمعتي ملت تطفيني

وما بين السماء والارض عشنا بالحياه اغراب

وما بين الحنايا اعيد يا روحي وحشتيني

تعبت اسأل عن الخطوه ورجلي تلتفت للباب

تعبت آعزي المهموم وانا من يعزيني؟؟

الله يعطيك العاااااااااااااااااافية

كلمات روووووووووووعه

يسلموووووووووووو يا الغلا

تقبلي مروووووووووووووري