يا عين هلي دمع الأوجاع هليه لا تدخرين دموع الأحزان يا عين

يا عين هلي دمع الأوجاع هليه

لا تدخرين دموع الأحزان يا عين

جرح بروحي كلما بان أخفيه

أخاف لا من بان سم الثعابين

أخاف جرح الروح الأيام تبديه

ثمن يصير الجرح بالروح جرحين

أخاف من شخص كثير المشاريه

عدة كلامه مثل روس السكاكين

الذنب من غيري وأنا مكتوي فيه

واللي دروا ما هم بالأسباب دارين

جرحي عطيب ولا لقى من يداويه

مرت عليه أيام وشهور وسنين

إن خف جرحي جددن سواقيه

حطم حشاي وفر وسط الشيانين

ما أنساه لا والله ما ني بناسيه

لا والذي نزل تبارك وياسين

لبيه يا دمع المظاليم لبيه

سيل تحدر والمخاليق منسين

ما هي غريبة صافي الدمع ترضيه

عاده ولكن دمعك اليوم كاوين

قال العذاب اللي مخفيه ما بيه

ما يجمع الهمين غير المجانين

إن زاد همك دمع عينك يطفيه

ولا تفجر وسط صدرك براكين

ياللي حشاه بزود الأحزان مشقيه

ترى المدامع طب جرح المساكين

كل المدامع هلي الدمع هليه

لا تدخرين دموع الأحزان يا عين

http://www.rofof.com/9k2k87d/Ya3yn_hly.html

اتمنى ان تنال اعجابكم كما نالت اعجابي..

الله يعطيتس العافيه...

ويعااااااااااااافيك..

لبيه يا دمع المظاليم لبيه

سيل تحدر والمخاليق منسين

ما هي غريبة صافي الدمع ترضيه

عاده ولكن دمعك اليوم كاوين

قال العذاب اللي مخفيه ما بيه

ما يجمع الهمين غير المجانين

إن زاد همك دمع عينك يطفيه

ولا تفجر وسط صدرك براكين

كم هي رائعه ذائقتك يابقابيقووووووووووو

مرورك الأروع عزيزتي..